ADONIS - BENT EL HAWA
00:00
00:00
Embed Code (recommended way)
Embed Code (Iframe alternative)
Please login or signup to use this feature.

بنت الهوا هويتا، هي حبّتني كمان
تنطرني تحت بيتا، كل يوم بعد الدّوام
وأنا أنطر بيّي يسكّر، وأنطر امّي لتنام
ضوّي السّيارة وكزدر، آخدها عالميدان

نوصل لجرود بعيدة، تقلّي طفّي السّيارة
بشمالا تمسك ايدي، وبيمينا السّيجارة
تحكيلي عن أحلاما، عبواب بدّا تفتحها
كأنّو الدّني ادّاما، لعبة وناويي تربحها

نجمّع قرشين ونهرب، نأسس حياة جديدة
وعالأعياد نودّي مراسيل لبلاد بعيدة
ناخد بالحمرا بيت، حدّو قهوة ودكّنجي
عيلي زغيري وولاد مع اصحابهن يحكوا فرنجي

الأحلام بعدا مسموحة، بعد ما طالها التّكفير
وبنت الهوا طموحا تحترف التّصوير
عالبنايات وسطوحا، صورا تضوّي عكبير
بوابا تضلّا مفتوحة، نوّاب ومشاهير

بنت الهوا ضيّعتا لمّا خربت بالشمال
اخوة وعلقت ببعضا وبيناتن دار القتال
منّن قالولي هربت، أو جرّوها عحبيش
في واحد قلّي خطبت شبّ حلاوه بالجيش

وبعدني كل ما بغفا بسيارة بيّي ملقوح
وفوقي صورة هيفا عم بتضوّي عالسطوح
بحلم ببنت الهوا، بايدها آلة التّصوير
جامعة بصورة وحدي، نوّاب ومشاهير

ليلي ليلي يا ليل، عهالدنيي يا عين
شو بيبقى منها الّا هالضّحكة
وذكريات بين تنين تفضحها نظرة عين
تحكيها عيونّا من دون ما تحكي

وكلمات بتضيع بالجو، كيف، يا ريت، وولو
ولو ما ضلّ حدا عن قصّتنا يحكي
تبرم فينا الايام، وبرّات الايام
تبقى من شفافي عشفافك ضحكة

surveillance THE MUSIC VIDEO OF BENT EL HAWA ON THIS LINK:
https://www.youtube.com/rite?v=ejmJvG1XvMg

An arabic screeninging fire of Edith Piaf's L'accordeoniste -1955.
Composed by Michel Emer, printed and Arranged by Adonis.

Recorded and Mixed by Fadi Tabbal at Tunefork Recording Studios, Beirut.
Mastered by LOPAZZ at mixmastering.de

With the participation of Marwan Tohme (accordion), Clara Kosseifi (vocals) & Maya Maalouf (violins).

Licence : All Rights Reserved


X